Idhar Bhi Nigaahe Karam-Owais Qadri

Idhar bhi nigaahay karam Ghous-e-Azam,
Karo door ranj-o-alam Ghous-e-Azam.

Ghira hoon mein har samt se ranj-o-ghum mein,
khudara karam, kar karam, Ghous-e-Azam.

Wah kiya martaba hai suay bala Tera,
Unchay unchoon kay saroon say qadam aala Tera,
Jo wali qabl thay baad huey ya houn gay,
Sub adab rakhtay hain dil mein meray aaqa Tera,
Sar bhala kya koi janay kay hai kaisa Tera,
Aulia mertay hain aakay woh hai talva Tera

Woh rutba Tera hai kay jitnay wali hain,
Sabhi tere zair-e-qadam Ghous-e-Azam

Hai gardan mein teri ghulami ka patta,
Tujhi se hai mera bharam Ghous-e-Azam

Tera hoon mein tera mere is kahe ka,
Sar-e-hashr rakhna bharam Ghous-e-Azam

Madinay se najdi bala ko nikalo,
Karo un kay sar ko qalam Ghous-e-Azam

Mera har maraz door ho jaye piyaare
Karo aisa aakar k dam Ghous-e-Azam

Mere chaand mera muqaddar sanwaaro,
Bohot ho gaye paich-o-ghum Ghous-e-Azam

Mujhe khwaab mein aa ke jalwa dikha do,
Karo aaj ki shab karam Ghous-e-Azam.
Nazar jab uthaaoon nazar aaye mujh ko,
Madinay ka dilkash haram Ghous-e-Azam

Jila paaye ga dil Ubaid-e-Raza ka,
Zara rakh do apna qadam Ghous-e-Azam