Yaad e Mustafa aisi bas gayi he seene mein
Jism ho kahin apna dil to hai Madine mein
Kon he ye deevana kis ka he ye deevana
Hashar mein bhi kehta he jaana he Madine mein
Kon si jaga un ke aashiqon say khaali he
Har jaga he parwane shamma he Madine mein
Mere kamli wale ka ghar to he Madine mein
Haa magar wo rehte hein aashiqon ke seene mein
Baad mere marne kay har zubaan pay charcha tha
Aadmi to acha tha margaya Madine mein
Kaash un ke kuuche se layenge saba peghaam
Chal tujhe bulaate mein Mustafa Madine mein
