Ya Mustafa ata ho phir izn haazri ka-Owais Raza Qadri

Dua
Ya Mustafa ata ho phir izn haazri ka
Karloon nazaraha aakar phir aapki gali ka

Ek baar to dikha do Ramadaan mein Madina
Beshak banalo AQA mehmaan do ghadi ka

Rota huwa phir aaon daagh e jigar dikhaon
Afsanah bhi sunaoon mai apni bekasi ka

Phir Sabz Gumbad ki dekh loon baharein
Ab izn dedo AQA phir mujh ko haazri ka

De do ghame Madina de do ghame Madina
Aisa ghame Madina dekhoon na mooh khushi ka

Khoon e jigar se seencha hai baagh e Sunniyat ka
Kardo karam waseelah iss Madni murshidi ka

Ya Saiyid e Madina! bus Aap hi nibhana
go hoon bada kaminah par hoon to Aap hi ka

Ya Mustafa! gunahaun ki adaatein nikaalo
Jazbah mujhe ata ho Sunnat ki pairwi ka

Hoon door sab balaein deta hoon waasta mai
Mazloom karbala ki Sarkaar! bekasi ka

ALLAH! jab duniya se Tu mujhe bachana
Sael hoon YA KHUDA mai Ishq e Muhammadi ka

Dil se Ghuroor nikle bahre huzoor nikle
YA RABB! mujhe bana de paikar Tu ajizi ka

Emaan pe RABB e Rahmat de do isteqamat
Deta hoon waasta mai Tujh ko Tere Nabi ka

Ho har Nafas Madina dhadkan me ho Madina
Jab tak na saans tootay Sarkaar zindagi ka

Duniya ke taajdaar! tum se mujhe gharz kya!
Mangta hoon mai to mangta Sarkaar ki gali ka

ALLAH! iss se pehle Emaan pe maut de day
Nuqsaan mare sabab se ho Sunnat e Nabi ka

Ulfat ki bheek de do deta hoon waasta mai
Siddiq ka Umar ka Usman ka Ali ka

Kuch nekiyaan kamale jald akhirat banale
Koee nahi bharosa bhai! zindagi ka

Meezaan pe sab khade hain amaal tal rahe hain
Rakh lo bharam Khudara! Attar Qadri ka