Roshni day mujay etni kay charaghaa`n ho jaye Hamd

Aye Khuda zaat ka apni mujay irfaa`n ho jaye
Meri har saans teri tab-e-farmaa`n ho jaye

Chand shammein tu firozaa`n hayn meray sinay main
Roshni day mujay etni kay charaghaa`n ho jaye

Sirf do zavioon say khud ko hamesha dekhoon
Zindagi aaina-e-sunnat-o-Quraa`n ho jaye

Etni taoufeeq ata kar tujay razi kar loon
Roh meri bhi Teray qurb k shayaa`n ho jaye

Is say pehlay keh Teray samnay laya jaoon
Pak har aik khata say mera damaa`n ho jaye

Mera aaghaz say, ta hasher kay har lamhay par
Saya-e-Rehmat-e-Sultan-e-Rasolaan(s.a.a.w) ho jaein

Meray Maan Bap ki qabrein rahein roshan roshan
Fazal tera meray bachoon pay bhi arzaa`n ho jaye

Aakhri raah bhi is kay liye asaa`n ho jaye
Aye Khuda zaat ka apni mjuay irfaan ho jaye

Meri har saans teri tab-e-famaa`n ho jaye
Ameen Ameeen Ameeen